4 Avqust 2020, 10:51 | Ana Səhifə - Yazılar - Qadağaları tam aradan qaldırmaq böyük fəsadlar doğura bilər
Qadağaları tam aradan qaldırmaq böyük fəsadlar doğura bilər

Elman Babayev


Nazirlər Kabineti yanında Operativ Qərargahın karantin rejimi ilə bağlı verdiyi son qərara birtərəfli qaydada “verilən qərar yanlışdır, əksər qadağalar götürülməli idi” formasında yanaşmaq doğru deyil. Mövcud vəziyyəti emosiyalara qapılmadan təhlil etdikdə indiki halda başqa çıxış yolunun olmadığını və bu qərarın əslində doğru olduğunu görərik.

Gəlin, öncə bu gün tədricən azalmağa doğru gedən statistikanın üzərində dayanaq. Əldə olunan nəticələr sevindiricidir. Xəstəlikdən sağalma faktı yoluxma faktını iki dəfədən çox üstələyib. İnfeksiyaya gündəlik yoluxma halı azalmaq istiqamətində getməkdədir: cəmi 1 həftə öncə 500-dən artıq yoluxma faktına şahidlik edirdiksə indi bu rəqəm 200-300 arası dəyişməyə başlayıb. Beləliklə, olduqca müsbət bir dinamikanın şahidiyik.

Arzuolunan nəticələrə doğru getməyimizdə əsas hansı amillər rol oynayıb- sualına cavab axtarsaq, təbii ki, birmənalı şəkildə sərt karantin rejiminin tətbiqi öndə gəlir.

Artıq belə bir müsbət rəy hakimdir ki, yaxın 2-3 həftə ərzində daha böyük və arzu etdiyimiz nəticəni əldə etmək mümkün olacaq. Belə olduğu təqdirdə daha artıq yumşalmalara getmək əks nəticələrlə üz-üzə qalmağımıza şərait yarada bilərdi. Müsbət nəticənin atmosferinə düşüb qadağaları tam aradan qaldırmaq daha böyük fəsadlar doğura, min bir əziyyətlə əldə olunan irəliləyiş bir anda itirilə bilər. Hamımızdan bir az da səbr, dözümlülük tələb olunur ki, arzuolunan nəticəni qazanmaq hədəfinə çataq.

Karantinin iqtisadi baxımdan itkiləri çoxdur, heç kim bu prosesdən qazanmır, fəqət heç bir itki insan həyatından dəyərli ola bilməz! Opertaiv qərargahın qərarı indiki halda ən doğru qərardır və bunu cəmiyyət olaraq anlayışla qarşılamaq lazımdır.

Son qərarda müəyyən yumşalmalar var və cəmiyyətin istəklərinə uyğun təhlükəsiz, sağlamlıq vəd edən istirahət üçün addımlar atılıb. İnsanların çimərliklərə getməsinə şərait yaradılıb. D vitaminin insan immuniteti üçün nə qədər vacib olduğu bəllidir. Bu nəzərə alınaraq sms icazə tam ləğv olunub və açıq havada istirahət etmək üçün təhlükəsiz şərait formalaşıb. Çimərliyə gedənlər üçün sayt yaradılıb və burada başlıca məqsəd vətəndaşların təhlükəsiz, sağlam istirahətinin təmin edilməsinə xidmət göstərməkdir. Tələblər isə , sadəcə gigiyena qaydalarına əməl etmək, sosial məsafəni gözləməkdir.

Bu qərar verilərkən beynəlxalq təcrübə araşdırılıb. İndiyə qədər çimərlikləri açan ölkələrin təcrübəsi, onların çimərlik üzrə tətbiq etdiyi qayda və şərtlər öyrənilib. Vətəndaşların çimərliklərə buraxılması üçün qısa zamanda hazırlıqlar aparılıb və əslində böyük bir iş ortalığa qoyulub. 120 çimərlikdə xüsusi çimərlik zonası yaradılıb, məlumatlandırıcı lövhələr və dezinfeksiya tədbiri üçün xüsusi qurğular quraşdırılıb. Prosesə 1000 ASAN könüllüsü cəlb edilib. Bu işin ciddiyyətini kənara qoyub qərara lağ etmək, görülən işləri görməzdən gəlmək nə dərəcədə doğrudur?

Aylardır, çimərliklərin açılması tələb olunurdu. Mövcud durum məhz indi belə bir qərar verilməsinə imkan yaradıb. İndi durub “Çimərlikləri nə edirik? Gərək rayonlara gediş-gəliş açılardı”- demək bir məqəsədə xidmət edir- görülən işlərə qulp qoymaq, verilən qərarlara kölgə salmaq. Rayonlara gediş-gəliş açılsaydı belə, emosional və məntiqsiz düşünənlər üçün lağ etməyə nəsə tapılacaqdı.
Qəribədir, hətta havanın avqust ayında bir neçə gün soyuq olmasının günahı da sanki Operativ Qəragahda axtarılır. Az qalırlar yazsınlar ki, ekoloji problemlər, qlobal istiləşmə, qeyri-stabil mövsüm qərargahın qərarına görədir. Bu dərəcədə bəsit yanaşma ilə heç nə əldə etmək olmaz.

Bu gün ilk olaraq çimərliklər açılıbsa, növbəti mərhələlərdə müxtəlif yumşalmaların da şahidi olacağıq, təbii ki. Nə qədər məsuliyyətli olsaq, gigiyena və sosial məsafə qaydalarına riayət etsək, normal həyata qayıdış daha sürətli baş verəcək. Unutmayaq ki, yumşalma istiqamətində ilk addımlar atılıb, növbəti addımlar isə cəmiyyət olaraq hamımızdan asılıdır.

MÜƏLLİFİN DİGƏR YAZILARI
Hikmət Hacıyev: “Prezidentin yenidənqurma-bərpa layihələri misilsizdir” 16 Oktyabr 2021, 19:27 Meşələrin İnkişafı Xidmətində yoxlamalar 16 Oktyabr 2021, 19:11 İspaniyalı diplomat Azərbaycana gəlir 16 Oktyabr 2021, 18:56 İşçilərin maaşı gecikdirilib - Xidmət AŞKARLADI 16 Oktyabr 2021, 18:41 Əməkhaqları və pensiyaların artırılması ilə bağlı işlərə başlanılıb - Nazirlik 16 Oktyabr 2021, 18:33 "Azəriqaz" rəhbərindən qazın qiyməti ilə bağlı AÇIQLAMA 16 Oktyabr 2021, 18:21 “Azəriqaz” rəhbəri canlı yayımda sualları cavablandırır 16 Oktyabr 2021, 17:55 Azərbaycan bu strateji yüksəkliyə nəzarəti ƏLƏ ALACAQ 16 Oktyabr 2021, 17:49 İranda güclü zəlzələ olub 16 Oktyabr 2021, 17:13 Koronavirus əleyhinə peyvənd olunanların SAYI 16 Oktyabr 2021, 16:51 Prezidentin sərəncamı 1,8 milyon vətəndaşı əhatə edəcək 16 Oktyabr 2021, 16:41 Yoluxma artdı: 12 nəfər öldü 16 Oktyabr 2021, 16:38 "Azərişıq"dan yeni tariflə bağlı AÇIQLAMA 16 Oktyabr 2021, 16:31 Milli Məclisdə ukraynalı deputatlarla görüş - FOTO 16 Oktyabr 2021, 16:15 Dünyada qaz qiymətləri ötən illə müqayisədə 20-30 dəfə qalxıb - SOCAR 16 Oktyabr 2021, 16:10 İcra başçısı və deputat şəhidin məzarını ziyarət etdi - FOTO 16 Oktyabr 2021, 15:57 Prezident Şəmistan Əlizamanlını TƏLTİF ETDİ 16 Oktyabr 2021, 15:44 Hökumət Prezidentin sərəncamının icrasına BAŞLADI 16 Oktyabr 2021, 15:43 İranda daha 181 nəfər koronavirusdan öldü 16 Oktyabr 2021, 15:38 Maaşlar, pensiyalar və təqaüdlər ARTIRILIR 16 Oktyabr 2021, 15:21 Prezident Bəhram Bağırzadəni MÜKAFATLANDIRDI 16 Oktyabr 2021, 15:12 Elton Hüseynəliyevlə Xəyyam Nisanova fəxri ad verildi 16 Oktyabr 2021, 15:06 Azərbaycanda qaz və işıq tarifləri DƏYİŞDİRİLDİ 16 Oktyabr 2021, 14:44 Qarabağın işğaldan azad olunması su probleminin həllinə dəstək oldu 16 Oktyabr 2021, 14:31 Putinin “pis sülh və “yaxşı müharibəifadəsi: Bizə hansı məqbuldur? 16 Oktyabr 2021, 14:30 Bu direktorlar vəzifəsindən azad edilib  16 Oktyabr 2021, 14:22 Prezident fəxri adlar verdi - SİYAHI 16 Oktyabr 2021, 14:15 Bir qrup mədəniyyət xadimi təltif edildi - SƏRƏNCAM 16 Oktyabr 2021, 14:06 Merkelin Türkiyə səfəri – Ərdoğanla görüşdü 16 Oktyabr 2021, 13:53 Futbol matçından sonra atışma olub, yaralılar var 16 Oktyabr 2021, 13:32 Füzuli hava limanı beynəlxalq uçuşlar üçün açıqdır – RƏSMİ 16 Oktyabr 2021, 13:19 İşğal dövründə Qarabağda 100 min hektar ərazi yanıb 16 Oktyabr 2021, 13:17 Azərbaycan İnvestisiya Holdinqinin növbəti iclası - FOTO 16 Oktyabr 2021, 13:04 Fransa Qarabağın minalardan təmizlənməsinə yardım edəcək 16 Oktyabr 2021, 13:01 Azərbaycan Ordusu “OSA” zenit-raket komplekslərini İŞƏ SALDI - VİDEO 16 Oktyabr 2021, 12:52