Modern.az

Bakıda keçirilən kulinariya festivalı yekunlaşıb

Bakıda keçirilən kulinariya festivalı yekunlaşıb

10 Oktyabr 2009, 15:25

Mədəniyyət və Turizm Nazirliyinin dəstəyi ilə Bakıda keçirilən İslam mətbəxi beynəlxalq kulinariya festivalı sona çatıb.
Mədəniyyət və turizm naziri Əbülfəs Qarayev bildirib ki, Azərbaycanda ilk dəfə keçirilən beynəlxalq kulinariya festivalı uğurla başa çatıb. Beynəlxalq tədbirlərə ev sahibliyi edən Azərbaycan bu dəfə də ənənəsinə sadiq qalaraq, 14-dən çox ölkənin təmsilçilərinə ustalıqlarını nümayiş etdirmək üçün gözəl şərait yaradıb.
Festivalda Belarus, Filippin, Gürcüstan, İran, İslandiya, Kanada, Nigeriya, Özbəkistan, Rusiya, Serbiya, Türkiyə, Ukrayna, Yunanıstan və digər ölkələrin aparıcı kulinarlarından ibarət komandalar yarışıb.
Tədbirdə iştirak edən Dünya Kulinariya Təşkilatları Assosiasiyasının prezidenti Qissur Qudmundsson, Dünya Folklor Sənəti Təşkilatının prezidenti Karmen Padilya, Azərbaycan Milli Kulinariya Mərkəzinin direktoru, Kulinariya Assosiasiyasının prezidenti Tahir Əmiraslanov da festivalın əhəmiyyətindən danışıblar.
Festivalın yekununda Türkiyə komandası birincilik qazanaraq baş mükafata sahib olub. Nominasiyalar üzrə ən çox medal qardaş Türkiyə və Azərbaycanı təmsil edən komandaların payına düşüb. Peşəkar aşpazlara diplomlar, xüsusi mükafat və hədiyyələr verilib.

Whatsapp
Bizə yazın!
Keçid et
Ukraynadan Rusiyaya ardıcıl zərbələr: Vəziyyət kritikdir