25 Oktyabr 2020, 01:49 | Ana Səhifə - Yazılar - Vətən, Toyun Mübarək!
Vətən, Toyun Mübarək!

Aida Eyvazlı GÖYTÜRK

Bu payız səhərlərimiz başqa cür açılır. Bu payız XAN payızdır! Bu səhərlər 30 il bundan əvvəl hər gün bir ümidimizin də qırıldığı səhərlərə bənzəmir. Bu səhərlərin hər biri toy müjdəlidir. Türk ellərində  Xaqanların, hökmdarların çaldırdığı mərəkələr, toylar 40 gün çəkərdi.  Heç uç həftə deyil ki, başlamışıq Vətən savaşını. “Torpaqlarımızı geri almaq üçün döyüş başlandı” xəbərini eşidəndə ilk yazdığım və dediyim söz də bu oldu: “Vətən, Toyun Mübarək!”.

28 ildir ki, bu günümüzə yol gəlirik. 27 sentyabrdan bu günə qədər hər gün bir gözümüz gülüb, bir gözümüz ağlayır. Düşmən tapdağı altında olan o gözəl yurdlarımızı xəyanətlər, dövranın vəfasızlığı, hakimiyyət başıpozuqluğu səbəbindən əldən çıxardıqdan sonra, bir gün də olsa dayanmadıq. Hər gün “Qarabağ bizimdir, bizim olacaq!”- deyirik. Hər gün o yurdlara, söndürülmüş ocaqlarımıza dönmək əzmi göstəririrk. Hər gün şəhid veririk. Lakin  Müqəddəs torpaqlarımızı geri qaytarmaq borcunu unutmadıq.

1988-ci ildən bəri bu günlərdə başladığımız TOYU gözləyirik.

Aslanlarım, Şirlərim, Boz qurdlarım bir dəfə 2016-cı ilin aprelində müzəffər oldular. Vətənimin  bütün vətəndaşları döyüşə hazır dayandılar. Aprel şəhidlərimizi unutmadıq. Düşmən düşmənliyindən əl çəkməz ki, nə aldığını geri verir, nə də “it kimi, çaqqal kimi rədd olub getmir”. Və bir də ki, 16 iyulda Azərbaycan Ordusunun  Polad generalına tuşlandı düşmən gülləsi. Bax, onda MİLLƏTim, XALQım bir daha ayağa qalxdı. Hamı bir ağızdan dedi ki, “Öldü var, döndü yoxdur!”.

Ali Baş Komandan, Məmləkətimizin Prezidenti İlham Heydər oğlu Əliyev də səbrimizin sona çatdığını söylədi. Xalqına, millətinə qulluq göstərməyi özünə şərəf bilən  XAQAN İlham Heydər oğlunun xalqına ilk müraciətindən belə anladıq: “Bu Odlar yurdunun Ordu generalını qətlə yetirəni yuvasına qədər qovmasaq, anadan əmdiyimiz süd bizə haram olar!”.

O gündən hamımız səfərbərik. O gündən dünyanın gözü və ən qaynar nöqtəsi Azərbaycandır. İgidlərim, Aslanlarım, Ərlərim Vətən savaşına atılıblar. Düşmənə toy tuturlar.  Döyüşün ilk günündəcə 19 yaşlı Qurd balası Cəbrayıl düşmənin iki polkovnikini, bir generalını yurdumuzda qurduqları qərargahda əlləri ilə boğub öldürmüşdü. Mənim gənc əsgərim belədirsə, gör bir 27 il bu savaşa hazırlaşan, bu günü gözləyən ərənlərim nələrə qadirdilər.  O dağlıq yerlərdə, o dərələrdə düşməni öz qazdıqları səngərlərdə boğub öldürürlər. Bu Müqəddəs Odlar yurdunun 19 yaşlı şəhidi Cavidan Ağayevin atasına başsağlığı verəndə, “Mənə gözaydınlığı verin, mənim oğlum şəhid olub, hüzn qəbul etmirəm!”- deyirsə, belə bir millətin ruhunu yenmək olarmı?!

Bəli, bu gün  Göy Türklərin, Alp Arslanın, Alp Ər Tunganın dediyi zaman yetişib.  O Dədəmiz demişdi ki, Türklərin ruhu 13 əsrdən sonra  yenə qanadlanacaq. Bu gün əsgərlərimiz Qarabağı azad etmək üçün , Ötükəni çinlilərdən azad edən Şadlar kimi döyüşürlər. Tanrı onların yatmış ruhlarını dirçəldib. Artıq dünya  bir daha şahid olur ki, türk ruhu oyandısa, onun əsgərinin qarşısında kimsə dayana bilməz.

Məqam həmin məqamdır. Ona görə də Ali Baş Komandan, Sərkərdə, Fateh, Xaqan İlham Əliyev hər çıxışı, hər tviti ilə Azərbaycan Ordusunda döyüşən əsgərlərə ruh verir. Bizim ruhumuzu dirçəldən Fatehimiz var indi. Fateh İlham Əliyev deyir: “Biz döyüş meydanında gücümüzü göstərdik, həm düşmənə, həm də bütün dünyaya. Döyüş meydanında göstərdiyimiz güc və onun mənbəyi Azərbaycan xalqının iradəsidir, Azərbaycan xalqının istedadıdır və bizim əldə etdiyimiz uğurlardır”.

Bu payız günlərində Azərbaycan xalqı 1991-ci ildə yenidən  qazandığı Milli Müstəqillik günü ilə bərabər, hər qarışı uğrunda neçə-neçə şəhid verdiyimiz azad olunmuş torpaqlarımızın sevincini bayram etdi. Ona görə də bu bayram başqa bayramlara bənzəməz. Bu günlərimizin dadı başqadır. Bu günlərdə  millətindən, irqindən və dinindən asılı olmayaraq, Ordumuzda döyüşən hər bir Azərbaycan əsgəri öz adını Türk dünyasının savaş tarixinə, Qalibiyyət tarixinə qızıl hərflərlə yazır. Bu gün əsgərlərimiz -- analarımız, bacılarımız, torpağa həsrətlə ölən qohumlarımızın ruhu uğrunda, Ali Baş Komandanın uğrunda, Vətən uğrunda əzmlə döyüşürlər. Yeni zirvələr fəth edirlər. O zirvələrdə ki, 30 ilə yaxın idi ki, qartallar, şahinlər uçmurdular. O dağlarda bənövşələr, xarı büllbüllər bitmirdilər. Utandıqlarından kol dibində gizlənmişdilər. İndi öz zirvələrimizin, öz dağlarımızın sahibiyik! Cənab Ali Baş Komandan Fuzulinin də düşməndən azad olunduğunu xalqına müjdə verəndə dedi:

“Bir daha demək istəyirəm ki, biz xoşbəxt insanıq, bizim nəslimiz xoşbəxtdir ki, bu sevincli günləri görə bilirik. Mən özümü xoşbəxt insan hesab edirəm ki, bu sevincli xəbərləri doğma xalqıma çatdırıram. Ali Baş Komandan kimi bütün işlərə rəhbərlik edirəm və Azərbaycan xalqını əmin etmək istəyirəm ki, bundan sonra da öz fəaliyyətimdə ölkəmizin, xalqımızın milli maraqlarını qorumaq üçün əlimdən gələni əsirgəməyəcəyəm”.

Belə sərkərdəsi olan bir xalq məğlub ola bilməz. Belə sərkərdənin, fatehin adı əsgərlərimizin azad etdiyi ən uca zirvələrə qızıl hərflərlə həkk olunacaq. Azərbaycan Ordusu bu gün Türk dünyasının yeni döyüş, savaş tarixini yazır. Ona görə də əqidə, ruh, dava qardaşımız Rüstəm Behrudinin bir bənd şerini oxuyuram bu gün:

“Savaş verməlidir xeyir duamı,

Düşən gecə mənim, doğan dan mənim.

Bir bayram libası biçin əynimə,

Yolum keçməlidir Şuşadan mənim”.

40 günümüzün tamamında Qarabağda TOY çalınacaq. Toyumuza gələnlər də deyəcək: “Vətənim, TOYUN Mübarək!!!”. Azərbaycan bütün sülhsevərinsanların vətənidir. Bu şərəfli günlərdə yanımızda olanları ağ çadıra, uzaqda dayananları qara çadıra dəvət edəcəyik. Biz dostları darda qoymayan Odlar yurdunun övladlarıyıq. Dünyanın ilk odu da, ocağı da Azərbaycanda yanıb. Bu ocağın istisinə evimizə açıq ürəklə gələn hər kəs isinə bilər!!!

 

MÜƏLLİFİN DİGƏR YAZILARI
Unudulan deputatlar - Fransanı hiddətləndirən professor: Jak Şirak qudurub!” 23 İyun 2021, 08:39 Hərbi Dəniz Qüvvələrinin taktiki təlimlərinin ikinci mərhələsi başlayır  23 İyun 2021, 08:34 Bu gün daha bir qrup erməni terrorçunun məhkəməsi KEÇİRİLƏCƏK 23 İyun 2021, 08:25 Daha 3 komanda 1/8 finalda - AVRO-2020 23 İyun 2021, 00:58 Kürdəmirdə mübahisə ölümlə nəticələndi 23 İyun 2021, 00:43 Arayik Rusiya sülhməramlılarını və Yerevanı İFŞA ETDİ: Qarabağda cəmi 35 min erməni var! 23 İyun 2021, 00:34 Abşeronda 33 yaşlı kişi bıçaqlandı 23 İyun 2021, 00:22 UEFA-dan azarkeşlərlə bağlı yeni qərar 23 İyun 2021, 00:10 ABŞ İranın internet portallarını blokladı 22 İyun 2021, 23:57 Batmaqda olan 4 nəfər xilas edildi 22 İyun 2021, 23:42 Rusiyanın daha bir şəhərindən Bakıya aviareys açılır 22 İyun 2021, 23:29 ATV-də axtarılan yeniyetmənin meyiti dənizdən tapıldı 22 İyun 2021, 23:13 Yaponiyada vulkan püskürdü 22 İyun 2021, 23:07 Göygöldə yaşlı qadın özünü asdı 22 İyun 2021, 22:53 Xəzərdən meyiti tapılan şəxsin kimliyi bilindi - YENİLƏNİB 22 İyun 2021, 22:41 Teymur Rəcəbov bu dəfə 9-cu oldu 22 İyun 2021, 22:33 Bakıda süpürgəçi qadını maşın vurdu 22 İyun 2021, 22:22 BDU-nun müəllimi vəfat etdi - FOTO 22 İyun 2021, 22:08 AŞPA üzv ölkələri əhalini gəlir və sosial müdafiə ilə təmin etməyə çağırdı 22 İyun 2021, 21:59 "Mina xəritələrinin verilməsi insanların öz evlərinə qayıtmasını sürətləndirəcək" - Baş katib 22 İyun 2021, 21:46 Türkiyəli futbolçu rəsmən “İnter”də - FOTO 22 İyun 2021, 21:33 Türkiyədə yoluxma və ölüm sayı yenidən artdı 22 İyun 2021, 21:19 Hərbi Dəniz Qüvvələrinin təlimində gecə atışları yerinə yetirildi 22 İyun 2021, 21:05 Azərbaycan və Pakistan müdafiə nazirlərinin müavinləri Moskvada görüşdü 22 İyun 2021, 20:53 Azad edilmiş ərazilərimizdə əsgərlərlə görüş keçirildi - FOTO 22 İyun 2021, 20:39 Əli Əsədov BƏƏ-nin iqtisadiyyat naziri ilə görüşdü 22 İyun 2021, 20:25 Teymur Levona qalib gəldi 22 İyun 2021, 20:14 Etirazların hədəfləri: Xankəndidə nə baş verir? - TƏHLİL 22 İyun 2021, 19:52 Separatçı liderlər əfv olundu 22 İyun 2021, 19:25 Misirdə bir gündə ikinci qatar qəzası baş verib 22 İyun 2021, 18:51 “Dərs vaxtı”nda cədvələ uyğun mövzular təqdim edilib 22 İyun 2021, 18:35 “Anadolu Qartalı-2021” təlimləri: Aviasiyamız yer hədəflərini məhv etdi 22 İyun 2021, 18:32 BMT ali nümayəndəsinin Ağdama səfəri başlayıb 22 İyun 2021, 18:19 Əli Nağıyev ordu generalı ilə görüşdü 22 İyun 2021, 18:08 Xocasən gölünün ətrafında yeni Nəbatat bağı salınacaq 22 İyun 2021, 18:00
SORĞU AVRO-2020-nin qalibi hansı komanda olacaq?