Oktyabrın 11-dən 17-dək Türkiyədə səfərdə olan Milli Məclisinin 11 deputatı bu gün parlamentin spikeri Oqtay Əsədovun qəbulunda olublar. Modern.az xəbər verir ki, görüşdə Oqtay Əsədov Türkiyədən qayıdan deputatlarla Ankara səfərinin yekunlarını müqzakirə edib.
Xatırladaq ki, Milli Məclisinin üzvləri Səməd Seyidov, Nizami Cəfərov, Əli Hüseynov, Qənirə Paşayeva, Mübariz Qurbanlı, Qüdrət Həsənquliyev, Əkrəm Abdullayev, Gültəkin Hacıbəyli, Asəf Hacıyev, Rövşən Rzayev, Fəzail Ağamalıdan ibarət nümayəndə heyəti Türkiyə və Ermənistanın arasında münasibətlərin yaxşılaşdırılmasına və sərhədlərin açılmasına dair protokollar imzalanandan sonra Azərbaycanın narahatlığını çatdırmaq məqsədilə Türkiyədə bir sıra görüşlər keçiriblər.
