Modern.az

Səudiyyə Ərəbistanının səfiri Şərqşünaslıq İnstitutunda olub

Səudiyyə Ərəbistanının səfiri Şərqşünaslıq İnstitutunda olub

Mədəni̇yyət

22 Oktyabr 2009, 14:01

Səudiyyə Ərəbistanının Azərbaycandakı fövqəladə və səlahiyyətli səfiri Fəhd bin Əli əl-Düsəri Milli Elmlər Akademiyası akademik Ziya Bünyadov adına Şərqşünaslıq İnstitutunda işgüzar görüşdə olub.
Modern.az xəbər verir ki, institutun direktoru, Milli Məclisin deputatı, professor
Gövhər Baxşəliyeva rəhbərlik etdiyi institutun yaranma tarixi, elmi fəaliyyət istiqamətləri və ərəbşünaslıq sahəsində görülən işlər haqqında qonağa ətraflı məlumat verib.
İnstitutun Səudiyyə Ərəbistanının səfirliyi ilə həmişə sıx əməkdaşlıq etdiyini söyləyən G. Baxşəliyeva alimlərimizin dəfələrlə bu ölkədə elmi ezamiyyətlərdə olduqlarını bildirib. Sonra G.Baxşəliyeva son illər ərzində institutda çap olunan elmi jurnal və ərəbşünaslığa dair kitabları səfirə təqdim edib.
Daha sonra səfir institutda çalışan ərəbşünas alimlərlə görüşüb. İnstitutun əməkdaşları səfirə institutun “Ərəb filologiyası”, “Ərəb ölkələri tarixi və iqtisadiyyatı”, “Mənbəşünaslıq və yazılı abidələrin tədqiqi” və “Din və ictimai fikir” şöbələrində ərəb ədəbiyyatına, dilinə, tarixinə, mədəniyyətinə və İslama aid aparılan tədqiqatlar haqqında məlumat veriblər.
Görüşdən məmnun qaldığını bildirən səfir Fəşd İbn Əli əd-Düsəri ölkələrimiz arasında mövcud elmi əlaqələri müsbət dəyərləndirərək, bu əlaqələrin daha da genişləndirilməsi üçün səylərini əsirgəməyəcəklərini bildirib. O, Şərqşünaslıq İnstitutunun qeyri-ərəb ölkələrində ərəb dilinin tədqiqi sahəsində nümunəvi bir mərkəz olduğunu söyləyib.

 

Youtube
Kanalımıza abunə olmağı unutmayın!
Keçid et
Hərbi gəmilər döyüşə hazır vəziyyətə gətirildi