Todd Blanş ABŞ-nin ədliyyə naziri – baş prokuroru vəzifəsinin icrasına başlayıb.
Modern.az xəbər verir ki, bu barədə Ağ Evin mətbuat katibi Kerolayn Livitt X sosial şəbəkəsində məlumat verib.
Onun sözlərinə görə, Blanş bazar ertəsi ABŞ-nin baş prokuroru vəzifəsində rəsmi olaraq and içib.
Bundan əvvəl ABŞ Konqresinin Senatı Blanşın ölkənin Ədliyyə Nazirliyinin rəhbəri vəzifəsinə namizədliyini cüzi səs çoxluğu ilə təsdiqləyib. Blanş apreldən etibarən qurum rəhbərinin səlahiyyətlərini icra edirdi. İyun ayında ABŞ Prezidenti Donald Tramp onu bu vəzifəyə daimi əsaslarla təyin etmək qərarına gəlib.
