Gəncənin Heydər Əliyev parkında kütləvi ağacəkmə kampaniyası keçirilib. Kampaniyaya idarə və müəssisə kollektivləri ilə birgə şəhər sakinləri də qatılıb. Ağacəkmə kampaniyası çərçivəsində parkın bir neçə hektar boş hissəsi tullantılardan təmizlənib və ağac əkilib.
Səhər saatlarından başlayaraq Heydər Əliyev parkında şəhər İcra Hakimiyyətinin başcısı Elmar Vəliyevin iştirakı ilə təhsil, səhiyyə və digər müəssisələr tərəfindən şam və kiparis ağacları əkilib. 356 hektar sahəsi olan Heydər Əliyev parkının 8 hektar ərazisində 7500 ağac əkilib, sabah isə daha 5000 ağacın əkilməsi planlaşdırılır. Heydər Əliyev parkı meşə xarakterli park olduğu üçün gələcəkdə bura müxtəlif növ ağacların əkilməsi də nəzərdə tutulur.|
|
|
|
|
|
