Ümumrusiya Azərbaycanlıları Konqresi baş nazirə dəstək verərək böyük konsert planlaşdırır
Ümumrusiya Azərbaycanlıları Konqresi Rusiyada keçirilən prezident seçkilərində baş nazir Vladimir Putini dəstəkləməyi qərara alıb. Modern.az bildirir ki, ÜAK “Baku” jurnalında yaydığı elanda bununla bağlı konsert təşkil edəcəyi barədə məlumat yerləşdirib.
“Ümumrusiya Azərbaycanlıları Konqresi arzu edənləri prezident seçkilərində Vladimir Putinə dəstək kampaniyası çərçivəsində təşkil etdiyi “Bahar gəldi” adlı unudulmaz konsertə dəvət edir”-deyə elanda qeyd olunub.
Konsert martın 1-də saat 18 –də “Lujniki” stadionunun Olimpiya kompleksində keçiriləcək. Bu tədbirdə Azərbaycanın və Rusiyanın estrada ulduzlarının çıxışı planlaşdırlıb.
Xaqani SƏFƏROĞLU
