Əmək və Əhlainin Sosial Müdafiəsi Nazirliyinin İctimaiyyətlə əlaqələr şöbəsinin müdiri İlham Məmmədov tutduğu vəzifədən azad olunub.
İlham Məmmədovun Modern.az saytına verdiyi məlumata görə, o, öz ərizəsi ilə işdən azad olunub.
İlham Məmmədov həmçinin başqa bir dövlət qurumunda iş təklifi aldığını bildirib.
Hazırda Əmək və Əhlainin Sosial Müdafiəsi Nazirliyinin İctimaiyyətlə əlaqə şöbəsinin rəhbəri vəzifəsi boşdur.
Qeyd edək ki, İlham Məmmədov 2007-2008-ci illərdə “Yeni İqtisadiyyat” jurnalında informasiya şöbəsinin müdiri və “Ekspert” jurnalinda analitik kimi çalışıb. 2000--2010 illər ərzində “Azadinform” İnformasiya Agentliyinin İqtisadiyyat şöbəsinin müdiri kimi fəaliyyətini davam etdirib.
2010-2011-ci illər ərzində Əmək və Əhalinin Sosial Müdafiəsi Nazirliyinin Ümumi şöbəsində məsləhətçi, 2011-2012-ci illər ərzində Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsində şöbə müdirinin müavini və ictimaiyyətlə əlaqələr sektorunun müdiri vəzifəsində fəaliyyət göstərib.
2012-ci ildən ötən günə kimi Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsində şöbə müdiri vəzifəsində fəaliyyətimi davam etdirib.
İlham Məmmədov media ilə ən yaxşı işləyən mətbuat katiblərindən biri idi...
Gültəkin ƏLƏSGƏR
