2020-ci il sentyabrın 27-dən başlayaraq Ermənistan Respublikası silahlı qüvvələrinin Azərbaycan Respublikasının ərazisinə təcavüzü nəticəsində zərər vurulmuş obyektlərin bərpası və təmir-tikinti işlərinin həyata keçirilməsi ilə bağlı əlavə tədbirlər haqqında Azərbaycan Respublikası Prezidentinin Sərəncamına əsasən, Qaraçinar kənd tam orta məktəbində əsaslı təmir, bərpa-yenidənqurma işlərinə başlanılıb.
Modern.az xəbər verir ki, Goranboy rayon İcra Hakimiyyətinin Başçısı Məhərrəm Quliyev aparılan işlərlə bağlı Qaraçinar kənd tam orta məktəbində oldu, iş icraçıları ilə görüşüb, işlərin keyfiyyətlə və texniki tələblərə uyğun həyata keçirilməsi ilə bağlı tapşırıq və tövsiyyələrini bildirib.
