Avroliqada uğurlu çıxış edən “Qarabağ” itki ilə üzləşib. Bazar günü ölkə çempionatı çərçivəsində “Neftçi” ilə oyunda “Qarabağ”ın yarımmüdafiəçisi Əfran İsmayılov ciddi zədə alıb.
“Qarabağ”ın baş məşqçisi Qurban Qurbanov supersport.az-a deyib ki, futbolçunun dizindəki zədə ciddidir. İlk hissənin sonlarında xəsarət alan Əfran haqda qəti qərarı həkimlər verəcək. “Əfran sağ dizindən ciddi zədə alıb. Onun “Borussiya”ya qarşı oynayacağı sual altındadır. Sabah (bu gün-red.) müayinədən sonra hər şey dəqiq bilinəcək” - deyə, baş məşqçi söyləyib.
