Koronavirusa qarşı “Sputnik V” peyvəndini icad edən tanınmış rusiyalı alimlərdən biri olan 48 yaşlı Andrey Butikov Moskvadakı mənzilində qətlə yetirilib.
Modern.az xəbər verir ki, bu barədə Moskva polisi məlumat yayıb.
Bildirilib ki, Andrey Butikov kəmərlə boğularaq öldürülüb.
Ölməmişdən qabaq alim qatilə müqavimət göstərib, lakin hücumu dəf edə bilməyib. Məlumata görə, onun bədənində kəsici və deşici alət yaraları aşkarlanıb.
Polis hadisədə şübhəli bilinən bir nəfəri saxlayıb. Qətlin detalları hələlik açıqlanmayıb, araşdırma aparılır.
