Հայաստանի վարչապետ Նիկոլ Փաշինյանը մոտ ապագայում կայցելի Մոսկվա։
Modern.az-ը հայտնում է, որ այս մասին սեպտեմբերի 24-ին ճեպազրույցում հայտարարել է Կրեմլի պաշտոնական ներկայացուցիչ Դմիտրի Պեսկովը։
«Նախկինի պես կա պայմանավորվածություն, որ նման այցը տեղի կունենա մոտ ապագայում»,- ասել է Պեսկովը։
Կրեմլի խոսնակը նշել է, որ այցի կոնկրետ ամսաթիվը դեռ համաձայնեցված չէ։
Պեսկովը նաև ընդգծել է, որ Մոսկվան հարգում է Հայաստանի ինքնիշխան իրավունքները։ Միաժամանակ, նրա խոսքով, Հայաստանը շարունակում է մնալ Եվրասիական տնտեսական միության շրջանակներում ինտեգրման գործընթացի մասնակից։
