Ադրբեջանի և Ղրղզստանի միջև հարաբերությունները դաշնակցային մակարդակի բարձրացնելու մասին պայմանագիրը կքննարկվի Միլի Մեջլիսում:
Modern.az-ը հայտնում է, որ մշակվել է «Ադրբեջանի Հանրապետության և Ղրղզստանի Հանրապետության միջև դաշնակցային հարաբերությունների մասին համաձայնագիրը» վավերացնելու մասին օրենքի նախագիծ:
Նախագիծն ընդգրկվել է Միլի Մեջլիսի Միջազգային հարաբերությունների և միջխորհրդարանական կապերի հանձնաժողովի սեպտեմբերի 14-ին կայանալիք նիստի օրակարգում:
Համաձայնագիրը նախատեսում է Ադրբեջանի և Ղրղզստանի միջև քաղաքական, տնտեսական, անվտանգության և այլ ոլորտներում համագործակցության ընդլայնում՝ դաշնակցային սկզբունքների հիման վրա:
Օրենքի նախագիծը հանձնաժողովում քննարկվելուց հետո կարող է առաջարկվել Միլի Մեջլիսի լիագումար նիստին:
