ԱՄՆ նախագահ Դոնալդ Թրամփի նախկին խորհրդական և անձնական փաստաբան Ալինա Հաբբան, ըստ տեղեկությունների, պատրաստվում է ամուսնանալ թուրք գործարար Թուրհան Միլդոնի հետ:
Modern.az-ը հայտնում է, որ The Correspondent-ի չորս աղբյուրների վկայությամբ, զույգի ամուսնությունը նախատեսված է սեպտեմբերի 26-ին։ Հարսանիքի վայրը չի հրապարակվել։ Հաբբան և Միլդոնը չեն պատասխանել հրատարակության հարցումներին՝ կապված լուրի հետ:
42-ամյա Հաբբան 2021-2024 թվականներին Թրամփին ներկայացրել է մի շարք դատական գործերում, այնուհետև աշխատել է Սպիտակ տանը որպես խորհրդական։ Նա 2025 թվականին ղեկավարել է Նյու Ջերսի նահանգի դաշնային դատախազությունը։ Դաշնային վերաքննիչ դատարանը նրա նշանակումն այդ պաշտոնում անօրինական ճանաչելուց հետո Հաբբան հեռացել է իր պաշտոնից նույն թվականի դեկտեմբերին։
29-ամյա Թուրհան Միլդոնը Թուրքիայում գործող «Miller Holding» ընկերության գլխավոր գործադիր տնօրենն է։ Ընկերությունը գործում է էներգետիկայի, շինարարության, նավագնացության և միջազգային առևտրի ոլորտներում:
