Ռումինիայի ռազմաօդային ուժերին պատկանող երկու F-16 կործանիչ Սև ծովի վրա խոցել են երկրի օդային տարածք ապօրինի մուտք գործած երկու անօդաչու թռչող սարք։
Modern.az-ը հայտնում է, որ այս մասին տեղեկություն է տարածել Ռումինիայի արտաքին գործերի նախարարությունը։
Առաջին անօդաչուն հայտնաբերվել է ժամը 17:59-ին և երկու րոպե անց խոցվել Սուլինայից հարավ-արևելք՝ 25 կիլոմետր հեռավորության վրա։ Երկրորդ անօդաչու թռչող սարքը գրավվել է նույն տարածքում ժամը 18:05-ին։ Այն խոցվել է Ռումինիայի օդային տարածք մուտք գործելուց չորս րոպե անց՝ Սուլինայից 20 կիլոմետր արևելք։
Բուխարեստը ՆԱՏՕ-ի դաշնակիցներին և Եվրոպական միության գործընկերներին տեղեկացրել է միջադեպի մասին։
Ռումինիայի նախաձեռնությամբ երեքշաբթի օրը կկայանա ՆԱՏՕ-ի Հյուսիսատլանտյան խորհրդի նիստը։ Նիստում կքննարկվեն Սևծովյան տարածաշրջանում պաշտպանության և սպառնալիքների կանխարգելման հարցերը։
