«Տիտանիկ» և «Ավատար» ֆիլմերի հայտնի ռեժիսոր Ջեյմս Քեմերոնը կայցելի Հայաստան։
Modern.az-ը հայտնում է, որ այս մասին տեղեկություն է տարածել Armenian Film Society-ն։
Նշվում է, որ Ջեյմս Քեմերոնը Երևան կժամանի նոյեմբերի 23-ին։
Հայտնի ռեժիսորը կմասնակցի Կարեն Դեմիրճյանի անվան մարզահամերգային համալիրում կայանալիք հանդիպմանը։ Հանդիպման ընթացքում Քեմերոնը կխոսի իր ստեղծագործական կարիերայի, կինոարդյունաբերության և տեխնոլոգիական նորարարությունների մասին։ Նա նաև կպատասխանի հանդիսատեսի հարցերին։
Ջեյմս Քեմերոնը հայտնի է որպես «Տիտանիկ», «Ավատար», «Տերմինատոր», «Օտարներ» և այլ հայտնի ֆիլմերի ռեժիսոր։
