İctimai Televiziyada yayımlanan “Maska” şousunun finalı keçirilib.
Modern.az xəbər verir ki, auditoriya bu dəfə “Alov” obrazında olan iştirakçının maskasının açılmasını istəyib. “Alov” obrazını oynayan iştirakçının müğənni Nadir Rüstəmli olduğu ortaya çıxıb.
"Alov"dan sonra auditoriya "Qorilla" obrazında olan iştirakçının maskasının açılmasını istəyib. Sonda "Qorilla" obrazını oynayanın Xalq artisti Miri Yusif olduğu ortaya çıxıb.
"Canavar" və "Cırtdan" super finala keçib.
Final axşamında auditoriya “Cırtdan” obrazında olan iştirakçının da maskasının açılmasını istəyib və nəticədə “Cırtdan” obrazını oynayanın müğənni Eldar Qasımov olduğu ortaya çıxıb.
Şounun qalibi “Canavar” obrazını canlandıran iştirakçı - müğənni Dilarə Kazımova mükafata layiq görülüb...
Qeyd edək ki, şouda dedektivlər kürsüsündə Xalq artisti Faiq Ağayev, Əməkdar artist Coşqun Rəhimov, müğənnilər Murad Arif və Nigar Camal, aparıcı Kamilə Babayeva oturub.
Əyləncəli-musiqi proqram olan “The Masked Singer” (Türkiyədə “Maske Kimsin Sen?”, Rusiyada isə ŞOU “MASKA”) beynəlxalq layihəsi ilk dəfə olaraq Azərbaycan teleməkanında lisenziya əsasında İTV-də yayımlanıb.
Linklər:
//www.youtube.com/watch?v=bWFiQ1jdRSc&ab_channel=MaskaAzerbaijan
//www.youtube.com/watch?v=R6gmazrzNHA&ab_channel=MaskaAzerbaijan
//www.youtube.com/watch?v=ied0KUWdNxs&ab_channel=MaskaAzerbaijan
//www.youtube.com/watch?v=6lV3tI6vHTM&ab_channel=MaskaAzerbaijan
