Oktyabrın 23-də Ermənistan Silahlı Qüvvələrinin Azərbaycanın Ağdam rayonu istiqamətində atəşkəsi pozması nəticəsində Azərbaycan Ordusunun bir əsgəri həlak olub.
Erməni snayperinin açdığı atəş “N” saylı hərbi hissəsinin əsgəri Eldar İsmayılovun həyatına son qoyub. Şəhidin ailəsinin mətbuata verdiyi məlumata görə, E.İsmayılov altı ay əvvəl Sumqayıt şəhər Hərbi Komissarlığından həqiqi hərbi xidmətə çağırılıbmış.