Mədəniyyət və Turizm Naziri Əbülfəs Qarayev yeni təyinatlarla bağlı əmr imzalayıb.
Modern.az saytı Mədəniyyət və Turizm Nazirliyinə istinadən xəbər verir ki, nazirin əmri ilə Mingəçevir Dövlət Dram Teatrının direktoru vəzifəsini icra edən Səxavət Məmmədov teatrın direktoru vəzifəsinə, Xəzər Gəncəli isə baş rejissor vəzifəsinə təyin olunublar.
Modern.az xəbər verir ki, Mingəçevir şəhər İcra Hakimiyyətinin nümayəndəsinin iştirakı ilə teatrın kollektivinə bu barədə məlumat verilib, və yeni baş rejissor kollektivə təqdim olunub. Tədbirdə Azərbaycan Prezidentinin 30 dekabr 2015 ci il tarixli sərəncamı ilə "əməkdar artist" adına layiq görülmüş teatrın aktyoru Yaqubov Şıxı Miriş oğlu bu münasibətilə təbrik edilib. O fəxri adın verilməsi ölkə rəhbərliyinin Mingəçevir şəhərində mədəniyyətə diqqətinin təzahürü kimi qiymətləndirib.
