
Rusiyanın Moskvaətrafı rayonu Serpuxovoda 46 yaşlı azərbaycanlı saxlanılıb.
Modern.az Rusiya KİV-nə istinadən xəbər verir ki, Ukraynadan Moskvaya gedən azərbaycanlının üzərindən 7 kiloqram marixuana aşkar olunub.
Polisin məlumatına görə həbs olunan şəxs kuryer rolunu oynayıb və Ukraynadan Azərbaycana narkotik vasitələrin gətirilməsinə yardım göstərib.
O, qoz alveri ilə məşğul olduğunu lakin son vaxtlar ciddi maliyyə sıxıntıları çəkdiyi üçün narkotik biznesinə girişdiyini deyib.
Vüqar İsmayılov