Almaniya Beynəlxalq Əməkdaşlıq Cəmiyyəti (GIZ)  "Cənubi Qafqazda Avropa standartlarına hüquqi yaxınlaşma" regional proqramı  çərçivəsində 29-31 yanvar 2016-cı il tarixində Nabranda  jurnalistlər üçün növbəti seminar-treninq keçirib. Modern.az saytı xəbər verir ki, “Hüquqi şəxslərdə iştirak: qanunvericilik və təcrübə” mövzusunda keçirilən təlimdə müxtəlif  Kütləvi İnformasiya Vasitələrində çalışan  jurnalistlər iştirak edib.

Seminarı ekspert, Vəkillər Kollegiyasının üzvü, IJS Hüquq Firmasının İdarəedici Partnyoru  Əkrəm Həsənov aparıb.

Seminar-treninqdə jurnalistlər  hüquqi şəxs və onun növləri, qeyri-kommersiya hüquqi şəxsləri, kommersiya hüquqi şəxsləri, korporativ idarəetmə və s. haqqında ətraflı məlumatlandırılıblar. 

Təlimdə mövzu ilə bağlı geniş müzakirələr aparılıb və jurnalistlərin sualları ekspert tərəfindən cavablandırılıb.

Modern.az