Neft hasilatçısı ölkələrin növbəti birgə görüşü martın 20-də Moskvada keçiriləcək.
Modern.az xarici KİV-ə istinadən xəbər verir ki, bu barədə Nigeriyanın neft naziri Emmanuel Kaçikvu deyib. Onun sözlərinə görə neft ölkələri 1 barel neftin 50 dollar civarında olmasını məqbul sayır.
“Biz görürük ki, neft qiymətləri çox gec artır”.
Onun fikrincə, həm OPEK, həm də OPEK-ə üzv olmayan ölkələr bununla bağlı vahid neft siyasəti müəyyən edə bilər. “Səudiyyə Ərəbistanı da, Rusiya da danışıqlar masasına qayıdır”.
Bundan əvvəl, Rusiya, Səudiyyə Ərəbistanı, Venesuela və Qətər fevralın 16-da görüşərək neft hasilatını 11 yanvar tarixindəki həddə dondurmağa qərar vermişdilər.
Vüqar İsmayılov
