Yasamal rayonu, Şərifzadə küçəsi 2 ünvanında qaçqın və məcburi köçkünlərin məskunlaşdığı yaşayış binasında yanğın qeydə alınıb.
Bu haqda Modern.az saytına Fövqəladə Hallar Nazirliyinin mətbuat xidmətinin rəhbəri Oqtay Bayramov məlumat verib.
O qeyd edib ki, yağın vətəndaşın mənzilə artırdığı 10 kvadratmerlik sahədə qeydə alınıb:
“Vətəndaş orada yaşayırmış. İçəridə olan yorğan-döşək və bəzi əşyalar yanıb. Hadisə nəticəsində insan tələfatı qeydə alınmayıb”.
O, bildirib ki, yanğının qarşısının alınması üçün nazirliyin 3 yanğınsöndürən avtomobili və canlı qüvvəsi əraziyə cəlb edilib. Hazırda yanğın söndürülüb.
Gülşən RAUFQIZI
