Ukrayna Prezidenti Volodimir Zelenski Belarus istiqamətindən hücum təhlükəsinin davam etdiyini açıqlayıb.
Modern.az xəbər verir ki, Zelenski Rivne şəhərində lentə alınmış axşam videomüraciətində bu barədə danışıb.
“Belarusdan Volın, Jitomir və Rivne vilayətlərinə hücum təhlükəsi mövcuddur. Təhlükə yalnız Kiyev və Çerniqov vilayətləri ilə məhdudlaşmır”, – deyə o bildirib.
Xatırladaq ki, Zelenski bir gün əvvəl Belarusa qarşı preventiv zərbə endirilə biləcəyini istisna etməmişdi.
Belarus Prezidenti Alexander Lukaşenko isə bu açıqlamaları “boş söz” adlandırıb və bildirib ki, Belarus yalnız Ukrayna ölkəsinə hücum edəcəyi təqdirdə müharibəyə qoşula bilər.
