Avropa Şurası Parlament Assambleyasının son sessiyasında 32 deputat Azərbaycanın işğal altında olan ərazilərində yardılmış separatçı “Dağlıq Qarabağ Respublikası”nı müstəqil dövlət kimi tanınması ilə bağlı birgə bəyanatla çıxış ediblər. Bu deputatların 10-u Fransanı, 5-i Ermənistanı, 2-si Andorranı, 2-si Belçikanı, 2-si Avstriyanı, qalanlar isə İtaliya, Malta, Hollandiya, Lüksemburq, İsveçrə, Böyük Britaniya, Sloveniya, Serbiyanı təmsil edib.
Neçə gündür ki, erməni mətbuatı bunu az qala toy-bayram kimi qələmə verir.
Məsələyə Azərbaycanın AŞ PA-dakı nümayəndə heyətinin sabiq üzvü Vaqif Səmədoğlu münasibət bildirib: “O imzayığmalar boş şeydir. Sadəcə bundan siyasi uğur kimi istifadə etməyə çalışırlar. Ancaq mən bunu gülməli bir məsələ kimi dəyərləndirirəm”.
Modern.az
