Turkiyada ijtimoiy media platformalarida axloqsiz kontent ulashgan shaxslarga qarshi operatsiya o'tkazildi.
Modern.az xabar berishicha, Anqara shahrida olib borilgan tergov doirasida xonanda Tug'ba Ekinchi hamda 7 nafar shaxsga nisbatan hibsga olish qarori chiqarildi.
Tergov davomida gumonlanuvchilarning ijtimoiy media hisoblari tekshirildi. Ularning axloqsiz kontentli postlar joylashtirgani, turli platformalarda hisoblar yaratib, pullik a'zolik tizimi orqali ochiq-sochiq tasvirlarni tarqatgani aniqlandi.
Sud qarori bilan ulardan 4 nafari hibsga olindi. Yana bir gumonlanuvchiga nisbatan sud nazorati chorasi tanlandi. Gumonlanuvchilar Anqara Politsiya Boshqarmasining Jamoat Xavfsizligi Bo'limi Qaroqchilik Byurosida olib borilgan protseduralar yakunlangach, Qiziljahamam Bosh Prokuraturasiga yuborilishi kutilmoqda.
