Armanistonda barcha armanlarning katolikosiga nisbatan qo'zg'atilgan jinoiy ish bo'yicha davlat ayblovchisi iste'foga chiqdi.
Modern.az xabar berishicha, bu haqda Armanistonning “5-kanal”i ma'lumot tarqatgan.
Ma'lumotlarga ko'ra, prokuratura rahbariyati avval Xachatur Galstyanga ishning istiqbolsizligini va dastlabki tergov bosqichida tugatilishini bildirgan. Ammo keyinchalik ish sudga yuborilgan.
Aytilishicha, Galstyan oldiga ikki tanlov qo'yilgan: yo lavozimdan ketish, yo sudda ayblovni himoya qilish. U iste'foga chiqishni tanlagan.
Shundan so'ng, bosh prokuror o'rinbosari Aram Aramyan davlat ayblovchisi etib tayinlangan.
Armaniston Bosh prokuraturasi Galstyaning lavozimdan ketganini tasdiqlagan bo'lsa-da, buni sud jarayoni bilan bog'liq emasligini ma'lum qilgan.
Ma'lumotlarga ko'ra, bundan avval ham uch nafar sudya bu ishni ko'rib chiqishdan bosh tortgan.
