AQSh prezidentining maxsus vakili Stiv Uitkoff va Donald Trampning kuyovi Jared Kushner bugun Kiyevda bo'lib o'tadigan uchrashuvlarda Rossiya prezidenti Vladimir Putinning Ukrainadagi mojaroni hal qilish yo'llari bo'yicha bildirgan fikrlaridan foydalanadilar.
Modern.az xabar berishicha, bu haqda Rossiya prezidentining yordamchisi Yuriy Ushakov Kreml muzokaralari yakunlari bo'yicha bayonotida ma'lum qildi.
Uning so'zlariga ko'ra, Putin, Uitkoff va Kushner o'rtasidagi uchrashuv mazmunli, konstruktiv, o'ta ochiq va ishonch muhitida bo'lib o'tgan. Uchrashuv jami 3 soat 10 daqiqa davom etgan. Muzokaralar ham ish stoli atrofida, ham tushlik paytida norasmiy muhitda olib borilgan.
Ushakovning ta'kidlashicha, AQSh vakillari Moskvaga tashrifga jiddiy tayyorgarlik ko'rishgan va Ukrainadagi mojaroni hal qilishning mumkin bo'lgan yo'llari bo'yicha bir qator takliflarni ilgari surishgan. Putin esa mojaroni siyosiy va diplomatik yo'llar bilan hal qilish bo'yicha AQSh tomoni bilan birgalikda ishlash niyatini tasdiqlagan.
Ma'lum qilinishicha, muzokaralar davomida faqat Ukraina masalasi muhokama qilinmagan. Tomonlar Rossiya va AQSh o'rtasida amalga oshirilishi mumkin bo'lgan yirik loyihalar haqida ham fikr almashganlar.
Qayd etish joizki, bu AQSh vakillarining Rossiyaga sakkizinchi tashrifidir.
