“Burada biz tariximizin yeni səhifəsini açırıq. Biz 1996-cı ildə Azərbaycanda fəaliyyətə başlamışıq”.
Modern.az xəbər verir ki, bu sözləri Pakistanın Azərbaycandakı səfiri Səid Xan Mohmand deyib:
“Bizim prezidentlərimiz və baş nazirlərimiz Azərbaycana gəliblər. Həmçinin Azərbaycanın keçmiş prezidenti Heydər Əliyev 1 dəfə Pakistana gəlib. Hazırki prezident İlham Əliyev isə bir neçə dəfə Pakistanda səfərdə olub”.
Səfir bildirib ki, ötən il Türkiyə və Azərbaycan arasında həyata keçirilən Bakı-Tbilisi-Qars dəmiryolu xətti çox önəmli layihədir.
“Bu dəmir yolu xətti Azərbaycan-Pakistan arasında olan ticarət əlaqələrinin inkişafına öz töhəsini verəcək. Azərbaycanlı iş adamlarına səslənirəm ki, Pakistana sərmayə qoysunlar. Bu bizim iki tərəfli münasibətlərimizə müsbət təsir edəcək”.