Gənc həkim Gülnur Dadaşova Kliniki Tibbi Mərkəzin tabeliyində olan 5 nömrəli Kliniki Doğum Evinin mama-ginekoloqu təyin edilib.
Mərkəzdən Modern.az-a verilən xəbərə görə, Dadaşova Gülnur Güləddin qızı 1991-ci il martın 29-da Kürdəmir rayonunda anadan olub.
Orta təhsilini Bakı şəhəri, Nizami rayonu 214 saylı orta məktəbdə və Nərimanov rayonu “Məktəb-Lisey-Bağça Kompleksi”nin tərkibində olan 43 saylı liseydə alıb. 2008-2014-cü illərdə Azərbaycan Tibb Universitetinin (ATU) “Müalicə işi” fakültəsində təhsilini davam etdirib.
2014-2019-cu illərdə rezidentura təhsilini həkim mama-ginekoloq kimi Azərbaycan Tibb Universitetinin Tədris Cərrahiyyə Klinikasında alıb.
