Dövlət Təhlükəsizliyi Xidməti əməkdaşlarının İmişli Rayon İcra Hakimiyyətində keçirdiyi əməliyyat zamanı bir neçə vəzifəli şəxsin saxlanıldığı bildirilir.
Bu barədə Modern.az-a İmişli Rayon İcra Hakimiyyətindəki mənbələr məlumat veriblər. Günün sonunda rəsmi məlumatın yayılacağı qeyd olunur.
***
Dövlət Təhlükəsizliyi Xidməti (DTX) İmişli Rayon İcra Hakimiyyətində (RİH) əməliyyat keçirir.
Modern.az APA-ya istinadən məlumat verir ki, İmişli RİH başçısı Vilyam Hacıyevin otağında axtarış aparılır.
Əməliyyat barədə hələlik rəsmi məlumat açıqlanmayıb.
Qeyd edək ki, Vilyam Hacıyev 4 aprel 2012-ci il tarixindən İmişli Rayon İcra Hakimiyyətinin başçısı vəzifəsində işləyir.
