Goranboy rayonunda cari təsərrüfat ilində 21052 hektar sahədə taxıl bitkisi, o cümlədən 12802 hektar sahədə arpa, 8250 hektar sahədə buğda əkilib.
Goranboy RİH-dən Modern.az-a verilən məlumata görə, hazırda taxıl sahələrində sonuncu veqetasiya suvarma işləri yekunlaşdırılır.
"Artıq fermerlərimiz biçinə hazırlaşırlar. Biçin zamanı rayon ərazisində olan 48 ədəd kombayndan istifadə olunacağı nəzərdə tutulub. Bundan başqa kombayn çatışmazlığın olmaması məqsədi ilə, rayon Dövlət Aqrar İnkişaf Mərkəzi tərəfindən 60 ədəd kombaynın gətirilməsi üçün Kənd Təsərrüfatı Nazirliyinə müraciət olunub. Bu istiqamətdə işlər davam etdirilir", - deyə məlumatda qeyd olunub.
