Tibbi Ərazi Bölmələrini İdarəetmə Birliyi (TƏBİB) Azərbaycanda koronavirusla bağlı avqustun 23-nə olan statistik göstəriciləri açıqlayıb.
Modern.az xəbər verir ki, məlumatda bu gün ərzində Azərbaycanda koronavirusla bağlı 5 432 test edildiyi bildirilib.
Qeyd olunub ki, ölkə ərazisində bu günə qədər 873 777 test aparılıb. İndiyədək 518 nəfər COVID-19-dan dünyasını dəyişib, 32 993 nəfər xəstəliyə qalib gəlib. Aktiv xəstə sayı 1 763 nəfərdir. Hazırda 183 nəfər reanimasiyada müalicə alır. 21 nəfər isə süni tənəffüs cihazına qoşulub.
Qeyd edək ki, bu gün Azərbaycanda 169 yoluxma, 151 sağalma faktı qeydə alınıb, 3 nəfər dünyasını dəyişib.
