Sentyabrın 8-də Bakıda poiyada ölümü qeydə alınıb.
Modern.az xəbər verir ki, avtomobil yolu keçmək istəyən 20 yaşlı gənci vuraraq öldürüb.
Belə ki, 2004-cü il təvəllüdlü Zamanov Anar Vüqar oğlu etibarnamə əsasında idarə etdiyi "Honda CIVIC" minik markalı avtomobil ilə Babək prospektindən üzü Heydər Əliyev prospekti istiqamətində hərəkətdə olarkən yolu əks istiqamətdə keçmək istəyən 2002-ci il təvəllüdlü Əlibəyov Elmar Səfərbəy oğlunu ehtiyatsızlıqdan vurub, nəticədə sonuncu ağır bədən xəsarətləri alaraq hadisə yerində ölüb.
Faktla bağlı Xətai Rayon Polis İdarəsində Cinayət Məcəlləsində 263.2-ci maddəsi ilə cinayət işi başlanmaqla ibtidai istintaq aparılır.
