Xətai rayonu, metropolitenin "Əhmədli" stansiyasının yaxınlığında baş verən hadisə ilə əlaqədar Bakı Şəhəri Təcili və Təxirəsalınmaz Tibbi Yardım Stansiyasının həkim briqadaları tərəfindən 2 nəfər tibb müəssisəsinə yerləşdirilib.
Bu barədə Modern.az-a TƏBİB-dən bildirilib.
Məlumata görə, yaralılardan 1-nə ilkin tibbi yardım göstərilib və ambulator müalicə üçün evə buraxılıb: "Digər bir nəfərə də ilkin tibbi yardım göstərilib, hazırda müayinə və müalicəsinə davam edilir".
Qeyd edək ki, bu gün paytaxtda 57 saylı xətt avtobusu "KamAZ" markalı yük maşını ilə toqquşub.
