Aşıq Namiq Fərhadoğlu qəzaya düşüb.
Modern.az xəbər verir ki, hadisə Bakının Nizami rayonu ərazisində baş verib.
Məlumata görə, Namiq Hüseynov idarə etdiyi 99-NF-002 dövlət nömrə nişanlı “Toyota” markalı avtomobili ilə işıqforun qırmızı işığında dayanıb. Bu zaman yüksək sürətlə hərəkət edən “Azsamand” markalı avtomobil qarşıda dayanan “Renault”a çırpılıb. “Renault” isə Namiq Hüseynovun maşınına dəyib.
Hadisə zamanı xəsarət alanların olduğu deyilir. Faktla bağlı araşdırma aparılır.
