Qətərdə təşkil olunan dünya çempionatının qrup mərhələsində bu gün daha 4 oyun keçiriləcək.
Modern.az xəbər verir ki, günün ilk görüşü G qrupunda baş tutacaq. Bakı vaxtı ilə saat 14:00-da start götürəcək qarşılaşmada İsveçrə və Kamerun yığmaları münasibətlərinə aydınlıq gətirəcəklər.
Qrupun digər matçında Braziliya milli komandası Serbiya ilə üz-üzə gələcək. Həmin görüş Bakı vaxtı ilə saat 23:00-da başlayacaq.
H qrupunda Uruqvay və Cənubi Koreya yığmaları Bakı vaxtı ilə saat 17:00-da, Portuqaliya və Qana seçmələri isə saat 20:00-da qarşılaşacaqlar.
DÇ-2022
24 noyabr
G qrupu
14:00. İsveçrə - Kamerun
Baş hakim: Fakundo Telyo (Argentina)
"Əl-Canub" stadionu
23:00. Braziliya - Serbiya
Baş hakim: Alireza Faqani (İran)
"Lusail" stadionu
H qrupu
17:00. Uruqvay - Cənubi Koreya
Baş hakim: Kleman Türpen (Fransa)
"Edyukeyşn Siti" stadionu
20:00. Portuqaliya - Qana
Baş hakim: İsmail Elfat (ABŞ)
"Stadiium 974" arenası
Qeyd edək ki, dünya çempionatına dekabrın 18-də yekun vurulacaq.
