Rusiyanın xarici işlər naziri Sergey Lavrov noyabrın 27-28-də Minskə səfər edəcək. Onun prezident Aleksandr Lukaşenko ilə görüşü planlaşdırılır.
Modern.az xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova bildirib.
"Noyabrın 27-28-də Rusiyanın xarici işlər naziri Sergey Lavrov Rusiya və Belarus Xarici İşlər Şurasının birgə iclasında iştirak etmək üçün Minskə səfər edəcək. Onun Belarus Respublikasının prezidenti və Xarici İşlər Naziri ilə görüşü planlaşdırılır”, - Zaxarova brifinqdə deyib.
