12 Fevral 2017, 15:04 | Ana Səhifə - Yazılar - Canəli Əkbərovun küçə dilindəki “muğamı”, Jirinovskinin çarlıq sevdası
Canəli Əkbərovun küçə dilindəki “muğamı”, Jirinovskinin çarlıq sevdası

Namidə BİNGÖL 

 

Hərə öz tribunasından qərəzli çıxış edəndə ədalət prinsipi pozulur. Bu cür proqramlara şahidlik missiyasını üzərinə götürənlərin, seçim qarşısında qalmaq hökmü isə daha ağırdır.

          

Həftənin hesabatını təqdim edirəm.

 

Bəzi təbəqələrin abrını, önlərinə çəkilmiş  pərdə örtür. Elə ki o pərdə açıldı, dərin çatlar dərhal gözə girir. Yola saldığımız həftə siyasi, iqtisadi, mədəni baxımdan gərgin keçdi.

 

İqtisadi durumumuz necədir?!

 

İki ilə yaxındır ki, Amerika dollarının əlində əsir-yesir qalmışıq. Hər dəfə dollar manata nisbətən möhkəmlənəndə ərzaq təhlükəsi ilə üzləşirik.  O baxımdan ki, yediklərimizə əl də uzada bilmirik. Son günlərdə isə manat dolların qarşısında möhkəmlənməyə başlayıb. Gözümüz aydın deyəkmi?! Düzü, sevinə də bilmirik. Nəyinə sevinək ki! Bazarlar, marketlər ərzaq qiymətlərinin yüksək olmasından od tutub yanır.

 

 Muğamımıza söyüş yaraşmır

 

Yola saldğımız həftə ərzində aləm bir-birinə dəydi. Daha doğrusu,  muğam dünyasında elə fırtına qopdu ki, bu dəfə şou aləmi izləmə mövqeyində dayandı. Təəssüf ki, xalq artisti Canəli Əkbərov Qarabağ şikəstəsi əvəzinə, küçə dilində “muğam” oxudu. Özü də elə tonda oxudu ki, həmkarlarını “ağ yuyub qara sərə” bildi. Təbii, bunu ört-basdır edə bilmərik. Xalq artistinin dediklərinə haqq da qazandırmaq olmaz. Amma bəzi nüanslar var ki, onları unutmamalıyıq.  Əvvəla, istənilən əsəbi başda ağıl olmur. O baxımdan belə situasiyalarda biz özümüz də ağıllı ola bilmirik.

 

Yaxşı, bəs bizim istəyimiz nədir? Doğrudanmı, hamılıqla muğama dönə-dənə qulaq asırıq?! Heç inanmağım gəlmir. Amma Canəli Əkbərovun ağzından çıxan kəlmələri dildən-dilə gəzdirməyi bacardıq. Özümüzə afərin deyə bilməyəcəm. Bizimlə müqayisədə Canəli Əkbərovun 76 yaşı var. Yağışdan çıxan göbələk də  deyil. Xalq artistidir.  Seyid Şuşinski və Xan Şuşinskidən muğam dərsləri alıb. Di gəl ki, Muğam müsabiqəsinin münsiflər heyətindən kənarlaşdırılması məsələsi xalq artistinin “əhvalına soğan doğrayıb”. Təəssüf ki, Canəli Əkbərov,  ağayana rəftar sərgiləməməklə, təhqir də etdi, söyüş də söydü.

 

Təəssüfedici məqam daha var. Şoulaşmayan muğam sənəti qalmışdı. Güman ki, Canəli Əkbərovun çıxışından sonra muğam ifaçılarımız gündəmdə qalmaq üçün bir-birinin ünvanına xoş olmayan sözlər deyəcəklər. Elə bilirsiz deməyəcəklər?! Mütləq deyəcəklər. Hələ bu harasıdır. 1990-cı illərdə xalq artistləri Flora Kərimova və mərhum İlhamə Quliyeva arasında bitməyən savaş və söz davası elə formada start götürdü ki, estrada dünyasının insanları bu gün də şou-biznes adı altında məlum  ənənəni davam etdirir. Deməli, muğam dünyası da bundan sonra əxlaq pərdəsinə ehtiyac duymayacaq. Öz aramızdı, öndə dayananlar bütöv bəşəriyyət üçün hər zaman nümunə olub. Fərqi yoxur, hansı mənalarda.

 

Bu arada, təkcə qidalar modifikasiya olunmur. İnsanlar və onların mənsub olduqları dünya da deformasiyaya uğrayır.

Zatən, cığırı biz açmasaq izimizə kim düşə bilər ki!

 

Jirinovskinin  imperiyapərəst mövqeyi

 

Rusiya Liberal Demokrat Partiyasının sədri Vladimir Jirinovski də Azərbaycanı qarabaqara izləməkdən əl çəkmir. Ağıldan kəm diaqnozu qoyulmasına baxmayaraq, həssas məsələlərə toxunmaqla qıcıq yarada bilir. Təmsil olunduğu dövlətin siyasi lideri, imperiya havasına düşüb. Deyir ki, bütün postsovet ölkələri, Rusiyanın tərkibinə qayıtmağa həvəslidirlər. Bilmək olmur, Jirinovski ölkələr arasında sorğu keçirib bu qənaətə gəlib, yoxsa, Putin hakimiyyətinin dünya barədə növbəti  planlarının tərkib hissəsidir?! Hər halda, qalmaqallı siyasətçi Azərbaycanın yaralı probleminə toxunmaqla nifrət hədəfinə tuş gəlib.

 

Necə yəni Qarabağ olmayacaq, Azərbaycan olmayacaq?! Ancaq Bakı quberniyası olacaq?! Maraqlıdır, imperiya məsələsini qabardıb 18-ci əsrə qayıtmağa Jirinovskini nə vadar edir?! Cənubi Qafqaz regionunun münaqişə zonası kimi tanınması Rusiyanın, ya da, Jirinovskinin ürəyini ağrıdır?! Əgər ağrıdırsa, yaxalarını bir kənara çəksinlər ki Cənubi Qafqazın Abxaziya və  Qarabağ münaqişəsi də həll olunsun. Daha çar imperiyasının bərpasına nə gərək var?!

 

Azərbaycanın növbəti uğuru

 

İşimiz var da! Ana oğlunun əfv olunması üçün nə gərəkdirsə onu da edir. Anaya deyən lazımdır ki, dünya şöhrətli oğlunun əməllərinə tanıqlıq edərkən, prosesləri əngəlləməyə niyə yardımçı olmurdun?! Axı, Lapşin sıradan bloqqer deyil!

 

3-4 dövlətin vətəndaşlığına sahiblənib dünya üzərindən Ermənistana pənah apararkən, etiraz səsinizi çıxarmağınız o zaman daha humanist olmazdımı?!

 

Yola saldığımız həftə Ukrayna, Rusiya, İsrail dövlətlərinin vətəndaşlığını daşıyan tanıınmış bloqqer Aleksandr Lapşin Azərbaycana ekstradisiya olundu.  Bu o Lapşindir ki, Azərbaycanın işğal olunmuş ərazilərinə 2011-ci ildən başlayaraq qanunsuz səfərlər edib.  Bu azmış kimi Dağlıq Qarabağı qeydlərində “müstəqil” dövlət kimi təqdim edib.  

 

Azərbaycan Xarici İşlər Nazirliyinin Qarabağa səfər etməklə bağlı xüsusi “qara siyahısı” var ki, Lapşin bundan  da xəbərdar olub. Sadəcə, erməni müdafiəçilərinin sayının çox olması Aleksandr Lapşini bir az da arxayın edib. Görünür, görkəmcə cılız olan bloqqer, şəkil və video görüntülər hesabına qazancını  da daha rahat qura bilib. Bəlkə də Belarus hökumətinin onu tutaraq Azərbaycana təhvil verməsini gözləmirdi. Düzü, vətəndaşlığını daşıdığı dövlətlər də gözləmirdi. Amma Belarus prezidenti Aleksandr Lukaşenko ədalətin bərqərar olunması üçün siyasi iradə göstərməyi bacardı. Bundan sonra Lapşinin nəsil-nəcabəti imdad diləsə nə dəyişəcək!

Yaxşı olar ki, imkan verin, cinayətkar cəzasız qalmasın!

“Vasitəçiyə inam yoxdursa, demək...” - Əli Əhmədov 26 Noyabr 2020, 14:25 Ermənistan parlamenti hərbi vəziyyətlə bağlı QƏRAR VERDİ 26 Noyabr 2020, 14:20 Fransa Azərbaycanın etimadına layiq deyil - Natali Qule 26 Noyabr 2020, 14:15 Ermənilərin Xankəndidən qovduğu ruslar da geri qayıdacaq - ÖZƏL 26 Noyabr 2020, 14:10 Prezidentin xalqa müraciəti xarici mətbuatda 26 Noyabr 2020, 14:05 Deputatdan maraqlı təklif - ““Qəhrəmanlar parkı” yaradaq” 26 Noyabr 2020, 14:00 Bakıdakı Türkiyə və İran səfirləri GÖRÜŞDÜ  26 Noyabr 2020, 13:55 Millimiz FIFA reytinqində 5 pillə irəlilədi 26 Noyabr 2020, 13:52 Ordumuz Kəlbəcərə niyə Ağdərə yolundan getmədi? - Hərbi ekspertdən AÇIQLAMA 26 Noyabr 2020, 13:49 Fransa Senatında faşizmin təbliği, beynəlxalq hüquqa hörmətsizlik, reputasiya itkisi... 26 Noyabr 2020, 13:46 Nazirlik bu dərslikləri yenidən YAZACAQ 26 Noyabr 2020, 13:42 Mənsum İbrahimov: “Ağdama gedib əhdimi yerinə yetirdim” 26 Noyabr 2020, 13:40 Naqif Həmzəyev: Fransa Senatının Ermənistanı müdafiə etməsi olduqca gülünc görsənir   26 Noyabr 2020, 13:38 Almaniyada qələbə aksiyası keçirilib 26 Noyabr 2020, 13:32 Fransadakı soydaşlarımız Senata qarşı çıxdı 26 Noyabr 2020, 13:28 Səxavət Məmmədov Qarabağın işğalını görsəydi, ürəyi partlayardı 26 Noyabr 2020, 13:24 “Azərenerji” əhəmiyyətli layihə reallaşdırır - Video 26 Noyabr 2020, 13:20 Naftalanda 1000-dən artıq ağac əkilib - FOTO 26 Noyabr 2020, 13:15 “Fransa tarixinin növbəti ən utancverici günlərini yaşayır” - Ceyhun Məmmədov 26 Noyabr 2020, 13:10 Sabah hava necə olacaq? - PROQNOZ 26 Noyabr 2020, 13:05 Elşad Hacıyevə nazirlikdə yüksək vəzifə verildi - TƏYİNAT 26 Noyabr 2020, 13:03 Bu il yeni doğulan uşaqlara ən çox verilən ADLAR 26 Noyabr 2020, 13:00 Polietilen torba və plastik qablar satanlar CƏRİMƏLƏNƏCƏK 26 Noyabr 2020, 12:57 “Vətən Müharibəsi Qəhrəmanı” adı TƏSİS OLUNDU 26 Noyabr 2020, 12:53 Azərbaycan turizm blogerləri Assosiasıyası yaradıldı 26 Noyabr 2020, 12:51 “Zəfər” və “Qarabağ” ordenləri TƏSİS EDİLDİ 26 Noyabr 2020, 12:50 Azərbaycandakı pambıq yığımında növbəti rekord göstərici 26 Noyabr 2020, 12:48 Qələbə medalları ilə bağlı qanun layihəsi qəbul olundu 26 Noyabr 2020, 12:45 Milli Məclisdən Fransa ilə bağlı Azərbaycan hökumətinə ÇAĞIRIŞ 26 Noyabr 2020, 12:40 İdman yazarı: “Narkotikdən asılılıq Maradonanı aramızdan apardı” 26 Noyabr 2020, 12:35 Zahid Oruc: Fransa Senatı ikinci Azərbaycan dövləti təsis etmək istəyir..   26 Noyabr 2020, 12:30 Milli Məclisdə Fransaya etiraz bəyanatı qəbul olundu 26 Noyabr 2020, 12:25 “Fransa Senatı Azərbaycan xalqından üzr istəməlidir”  26 Noyabr 2020, 12:20 Deputat Baş nazirdən xahiş etdi - “Prezident qarşısında məsələ qaldırın” 26 Noyabr 2020, 12:15 Aqil Abbas: Fransa Türkiyənin qələbələrini həzm edə bilmir 26 Noyabr 2020, 12:10
SORĞU Cəbhə xəbərlərini hansı mənbədən alırsınız?