Modern.az

Qubada olan jurnalistlər Qırmızı qəsəbəyə gediblər

Qubada olan jurnalistlər Qırmızı qəsəbəyə gediblər

9 Oktyabr 2009, 14:28

Azərbaycan Respublikası Gənclər Təşkilatları Milli Şurası və  Gənclər və İdman Nazirliyinin birgə təşkilatçılığı ilə Quba Olimpiya Komleksində “Jurnalistlər üçün düşərgə” adlı təlim kursu oktyabrın 9-da başa çatıb.  Modern.az xəbər verir ki, oktyabrın 9-da təlim kursunun iştirakçısı olan jurnalistlər Qubadakı soyqırımı məzarlığını ziyarət edib, orada tikiləcək abidə komleksinin layihəsilə tanış olublar. AMEA-nın Arxeologiya və Etnoqrafiya İnstitutunun Quba ekspedisiyasının rəhbəri Qəhrəman Ağayev jurnalistlərə bildirib ki, ümumi sahəsi 514 kvadratmetr olan məzarlıqda 400-dən çox insan cəsədinin qalıqları aşkar edilib. Onlardan 50-dən çoxu uşaqlar, 100-dən çoxu qadınlar, qalanları isə əsasən yaşlı kişilərdir. Onun sözlərinə görə, bu məzarlıq erməni vəhşiliklərinin beynəlxalq ictimaiyyətə çatdırılması üçün danılmaz tarixi faktdır. Q.Ağayev deyib, məzarlıqda olan Səhiyyə Nazirliyinin nümayəndəsi Şakir Musayev sümüklərin qorunub saxlanılması üçün xüsisi dərman preparatının hazırlanacağını  bildirib. Q.Ağayevin sözlərinə çörə məzarlıqda tibbi laboratoriya da  tikiləcək.    “Jurnalistlər üçün düşərgə” təlim kursunun iştirakçıları Quba məzarlığını ziyarət edəndən sonra rayonun ən iri yaşayış məntəqələrindən olan Qırmızı qəsəbəyə gediblər. KİV nümayəndələri qəsəbədə yaşayan yəhudilərin həyat tərzi ilə tanış olublar.

 

 

Twitter
Sizə yeni tvit var
Keçid et
Ukraynadan Rusiyaya ardıcıl zərbələr: Vəziyyət kritikdir