İran Prezidenti Məsud Pezeşkian bu gün BMT Baş Assambleyasının 81-ci sessiyasında çıxış edəcək. Onun Nyu-York səfəri çərçivəsində bir sıra dövlət başçıları ilə görüşməsi də planlaşdırılır.
Modern.az xəbər verir ki, bu barədə “Tasnim” agentliyi məlumat yayıb.
Məlumata görə, Məsud Pezeşkian sentyabrın 23-də, Tehran vaxtı ilə saat 19:35-də BMT Baş Assambleyasının 81-ci sessiyasında çıxış edəcək.
İran Prezidenti sentyabrın 22-də səhər saatlarında Tehrandan Nyu-Yorka yola düşüb. O, yolüstü Əlcəzairdə qısa müddət dayandıqdan sonra səfərini davam etdirib və bu gün səhər Nyu-Yorka çatıb.
Pezeşkianın səfər proqramına BMT Baş Assambleyasında iştirak edən bəzi ölkələrin liderləri ilə görüşlər də daxildir.
