Ermənistanın Baş naziri Paşinyanın Rusiyaya gəlib-gəlməyəcəyi hələlik məlum deyil.
Modern.az xəbər verir ki, bu barədə Rusiya Prezidentinin mətbuat katibi Dmitri Peskov məlumat verib.
“Paşinyanın Sankt-Peterburqda Avrasiya İqtisadi Birliyi və Müstəqil Dövlətlər Birliyinin iclaslarına gəlib-gəlməyəcəyi hələ məlum deyil”, - o qeyd edib.
Peskov vurğulayıb ki, Kollektiv Təhlükəsizlik Müqaviləsi Təşkilatının sammitinə qədər Putinlə Paşinyan arasında telefon danışığı planlaşdırılmır.
Qeyd edək ki, Paşinyan KTMT sammitində iştirak etməkdən imtina edib.
