İspaniya La Liqasının 7-ci turunda son çempion “Barselona” səfərdə “Sevilya” ilə qarşılaşıb.
Modern.az xəbər verir ki, Kataloniya təmsilçisi matçda 3:1 hesabı ilə qələbə qazanıb.
“Sevilya” 19-cu dəqiqədə Yussuf Fofananın qolu ilə hesabı açıb. Lakin “Barselona” cəmi üç dəqiqə sonra Rafinyanın qolu ilə hesabı bərabərləşdirib.
Braziliyalı hücumçu ikinci hissədə də fərqlənib. Rafinya 52-ci dəqiqədə komandasını önə keçirib, 69-cu dəqiqədə isə het-trikini rəsmiləşdirərək görüşün yekun hesabını müəyyənləşdirib.
Beləliklə, “Barselona” mövsümün ilk 7 turunda 7-ci qələbəsini qazanaraq maksimum nəticə ilə turnir cədvəlinə başçılıq edir. Komandanın aktivində 21 xal var. “Sevilya” isə 13 xalla 5-ci pillədə qərarlaşıb.
Rafinyanın bu oyunda vurduğu üç qol onun cari La Liqa mövsümündəki qollarının sayını 12-yə çatdırıb.
