“Müsavat Partiyası qurultayın keçirilməsi üçün fevralda Bakı Şəhər İcra Hakimiyyətinə müraciət etmişdi. Müraciətə cavab verilmədiyinə görə partiya icra hakimiyyətini məhkəməyə verib”.
Bunu Modern.az-a Müsavat Partiyasının Divan üzvü Qubad İbadoğlu deyib. Onun sözlərinə görə, qurultayla bağlı yekun qərarı Təşkilat Komitəsi verməlidir: “Hələ bir qədər zamanımız var. Yaxın günlərdə Təşkilat Komitəsinin toplantısının keçirilməsi nəzərdə tutulur. Zamanla bağlı məsələlər toplantı zamanı müzakirə edilib, qərarlar veriləcək”.