“Naxçıvana uçan təyyarələr Ermənistanın hava məkanından gedir və bu məqbul sayılır”
ABŞ-ın Azərbaycandakı səfiri Metyu Brayza Xankəndi hava limanı ilə bağlı son günlər gündəmdə olan məsələyə dair br daha mövqeyini açıqlayıb.
“Mən istənilən şəraitdə mülki təyyarənin vurulmasının qəbul edilməz olduğunu demişəm. Şadam ki, Azərbaycan öz mövqeyinin istiqamətini dəyişib və hüquqlarını Beynəlxalq Mülki Aviasiya Təşkilatında müdafiə etməyə çalışır”-deyə səfir KİV-nümayəndələrinin bununla bağlı sualını cavablandırarkən bildirib.
M. Brayza Xankəndində hava limanının açılması və ora təşkil edləcək uçuşlarla bağlı sualları cavablandırmaq istəməyb. Səfir Minsk qrupunun həmsdərlərinin bölgəyə yeni səfərini gözləməyi məsləhət bilib.
“Qoy həmsədrlər bölgəyə gəlib münasibət bildirsinlər, bu, daha düzgün olar. Mən onu da deyə bilərəm ki, Azərbaycandan Naxçıvana uçan təyyarələr Ermənistanın hava məkanından gedir və bu məqbul sayılır”-deyə Brayza vurğulayıb.
Modern.az
