“Hazırda Azərbaycanda 28 656 nəfər narkoman var”. Bu barədə Modern.az saytına Səhiyyə Nazirliyinin mətbuat xidmətinin rəhbəri Anar Qədirli məlumat verib.
Nazirlik rəsmisi bildirib ki, onlardan 666 nəfəri anonimdir: “23 042 nəfəri dispanser qeydiyyatında olanlar, 5614 nəfəri isə profilaktik qeydiyyatda olanlardır”.
Anar Qədirlinin sözlərinə görə, narkomanlar içərisində qadınların sayı 554 nəfərdir: “Onlardan rəsmi dispanser qeydiyyatında olanlar 399 nəfər, profilaktik qeydiyyatda olanlar isə 155 nəfərdir.
Toksikomanların sayına gəlincə, onlar 152 nəfərdir. Dispanser qeydiyyatında olanlar 151 nəfər, profilaktik qeydiyyatda olanlar isə cəmi 1 nəfərdir”.
Azərbaycanda 2014-cü ildə qeydiyyata alınan narkomanların sayı 28376 nəfər olub. Rəqəmlər göstərir ki, ötən illə müqayisədə narkomanların sayı 280 nəfər artıb.
Gülşən RAUFQIZI
