Rusiya 2024-cü ilin noyabrında respublikada keçiriləcək prezident seçkiləri öncəsi Moldovadə vəziyyəti pozmağa çalışacaq.
Modern.az xəbər verir ki, bunu "PRO TV" kanalına danışan Moldova prezidenti Maya Sandu söyləyib.
“Biz düşünürük ki, Rusiya Federasiyası burada vəziyyəti sabitsizləşdirməyə çalışmağa davam edəcək. Çox güman ki, yaza yaxın başlayacaqlar”, - Sandu bildirib.
Moldova prezidenti yerli seçkilərin dərslərini öyrənməyə, onları təhlil etməyə və “vətəndaşların səslərini və demokratik seçkiləri qorumaq üçün” tədbirlər görməyə çağırıb.