Türkiyənin hakim partiyasının sədr müavini Ermənistanla münasibətlərin normallaşması məsələsinə toxunub.
Modern.az-ın məlumatına görə, Ömər Çelik vurğulayıb ki, Azərbaycanın prosesə müsbət münasibəti, arxivlərin açılması, erməni soyqırımı iddialarının siyasi tribunalardan çıxarılması məsələsi əsasdır.
“Ermənistanla münasibətlərin normallaşdırılması təşəbbüsü bir şərtlə irəli sürülə bilər ki, Ermənistan Azərbaycana qarşı təcavüzkar və işğalçı siyasətindən əl çəksin. Bundan başqa, prezident Ərdoğan üçün ən həssas məqam azərbaycanlı qardaşlarımız və Azərbaycan prezidenti cənab İlham Əliyevdir”.
