İndiyədək "Meymun çiçəyi" xəstəliyinə 80 nəfərin yoluxması faktı qeydə alınıb.
Modern.az xəbər verir ki, bu barədə Ümumdünya Səhiyyə Təşkilatı (ÜST) "Twitter" hesabında məlumat yayıb.
Bu günədək infeksiya 11 ölkədə aşkar edilib.
"ÜST və tərəfdaşları yayılma dərəcəsi, yoluxmanın ortaya çıxması səbəblərini öyrənmək üçün işlər aparır. Bu günədək 11 ölkədə 80 yoluxma qeydə alınıb, daha 50 fakt araşdırılır", - məlumatda deyilir.
Xatırladaq ki, bundan öncə İsrail, Belçika, Fransa, Almaniya, İtaliya, Portuqaliya, İspaniya, İsveç, Böyük Britaniya, Avstraliya, Kanada və ABŞ-da "Meymun çiçəyi" xəstəliyinə yoluxma hallarına rast gəlinib.
